Қўшма Штатлар Украинадаги фуқароларни Россиянинг оммавий ҳужуми хавфи ҳақида огоҳлантирди

АҚШнинг Киевдаги элчихонаси «Украинадаги муҳим фуқаролик инфратузилмасини нишонга олган Россия ракеталари ва учувчисиз самолётлари таҳдидининг кучайиши» сабабли фуқароларни «қўшимча эҳтиёткор бўлишга» чақирди.

Украинадаги америкаликлардан «Украина ҳукумати ҳаво ҳужуми огоҳлантиришларини кузатиш» ва ҳаво ҳужуми ҳақида хабар берувчи иловаларни кузатиш, шунингдек, комендантлик соатларига риоя қилиш ва хавф туғилганда бошпана топиш сўралган.

20 ноябрь куни АҚШнинг Киевдаги элчихонаси ҳам фуқароларни Россия Федерацияси томонидан амалга оширилиши мумкин бўлган йирик ҳужум ҳақида огоҳлантирди. Шу муносабат билан Украинада бир қатор давлатларнинг дипломатик ваколатхоналари қисқа муддатга ёпилди. Расмий Киев бунга жавобан иттифоқчилардан «ахборот тарқатилишига» муносабат билдирмасликни сўради. «Бизда шундай ақлдан озган қўшнимиз бор, бугун, кенг кўламли урушнинг 1001-кунида, Россия 1000-кундагидек ақлдан озди», деди Украина президенти Владимир Зеленский.