Қўшма Штатлар Украина ва Россия ўртасида воситачи бўлади

Бу ҳақда АҚШ президентининг Украина бўйича махсус вакили Кит Келлог маълум қилди.

Мюнхен хавфсизлик конференциясидаги чиқишида Келлог шунингдек, музокаралар столида Украина бўлишини, лекин Европа қатнашмаслигини таъкидлади.

Келлогнинг бошқа баёнотлари:

◾️ Ҳозирча тинчлик музокаралари қандай бўлишини аниқ айтиш қийин;

◾️ Ўт очишни тўхтатиш ва тинчлик шартномаси Украина учун катта ютуқ бўлмаслиги мумкин;

◾️ Келишувнинг муваффақияти ўт очиш тўхтатилганидан кейин у биринчи бор бузилганда, барча томонлар бунга қандай жавоб беришига қараб аниқланади;

◾️ Трамп АҚШнинг манфаатларидан воз кечмайди;

◾️ Трампнинг асосий мақсади урушни бутунлай тўхтатиш ва Украинани суверен ҳамда хавфсиз давлатга айлантириш;

◾️ Украинанинг урушдаги йўқотишлари АҚШнинг Вьетнам ва Корея урушларидаги йўқотишларидан уч баравар кўп. Трамп буни тўхтатмоқчи;

◾️ Россия билан музокалраларга Стив Уиткофф масъул. Украина ва Европа билан музокаралар мени зиммамда. Бу ёндашув тезкор қарор қабул қилиш учун танланган;

◾️ Украина ва Россия тезроқ ўт очишни тўхтатишга қарор қилишлари керак;

◾️ Қўшма Штатлар Украинани молиялаштиришда давом этади, аммо одамларнинг қурбон бўлишига чек қўйиш керак.