Қўшма Штатлар ЖАРдаги G20 саммитида иштирок этмайди — АҚШ Давлат котиби

"АҚШ Жанубий Африкада бўлиб ўтадиган G20 саммитида на дипломатик даражада, на президент даражасида иштирок этади", — дея баёнот берди Марко Рубио.

Унинг айтишича, бу қарор асосан Қўшма Штатлар ва Жанубий Африка ўртасидаги қарама-қаршиликлар билан боғлиқ.

Оқ уй Жанубий Африка томонидан амалга оширилаётган сиёсатдан рози эмас, у АҚШ президенти маъмуриятининг устувор йўналишларини акс эттирмайди", — дея изоҳ берди Рубио.

АҚШ Давлат котиби феврал ойи бошидаёқ Йоханнесбургдаги G20 саммитига бормаслигини билдирган эди.

Май ойининг ўрталарида Тhe Washington Post нашри АҚШ G20 саммитига тайёргарликни тўхтатганини аниқлаганди. Президент Доналд Трамп Жанубий Африкани оқ танлиларга қарши геноцидда айблаб, “агар бу муаммо ҳал қилинмаса, саммитни қатнашмаслигини” айтган эди.

19—22 май кунларида Жанубий Африка Республикаси президенти Сирил Рамафоса Қўшма Штатларга ишчи ташриф билан бориши ва Доналд Трамп билан учрашиши режалаштирилганди. Bloomberg агентлигининг хабар беришича, Рамафосанинг маслаҳатчилари уни "Зеленский билан Оқ уйда бўлган каби зиддият юзага келиши" мумкинлигидан огоҳлантиришган.