Қозоғистонда "Қайрат"нинг "Реал"га қарши ўйинига 4-5 минг сайёҳ келиши кутилмоқда

Қозоғистонда Чемпионлар Лигаси умумий босқичига йўл олган Олмаотанинг "Қайрат" ва Испаниянинг "Реал" жамоалари ўртасидаги ўйинга 4-5 минг сайёҳ келиши кутилмоқда. Бу ҳақда Қозоғистон туризм ва спорт вазири Ербол Мирзабосинов парламентнинг иккала палатаси йиғилишидан сўнг маълум қилди.

"Реал"га қарши ўйинда УЕФАнинг ўз квоталари бор. Тахминан 4-5 минг сайёҳни кутяпмиз," - деди вазир.

"Қайрат" - "Реал" учрашуви 30 сентябрь куни бўлиб ўтади. "Қайрат" Чемпионлар лигасининг асосий босқичида илк бор майдонга тушади. Қозоғистон жамоаларидан фақат "Астана" 2015 йилда бунга муваффақ бўлган.