"Қозоғистон темир йўллари" компанияси сунъий интеллектга асосланган темир йўл учун энг яхши ишланмаларни синаш, апробация қилиш ва амалга ошириш учун рақамли синов майдончаларини яратади.
Бу ҳақда ташкилот матбуот хизмати хабар берди.
Қайд этилишича, IDC етакчи глобал таҳлил агентлиги вице-президенти Андрей Беклемишев Digital Almaty 2025 халқаро форуми доирасидаги "AI бўйича глобал коалиция: ҳамкорлик ва ривожланиш вектори" сессиясида сунъий интеллект бозоридаги жаҳон тенденциялари билан ўртоқлашди.
IDC маълумотларига кўра, сунъий интеллектга глобал харажатлар йиллик ўртача 30% дан ошиб бормоқда, GenAI бозори ўтган йили икки баробардан кўпроққа кўпайган. IDC 2028 йилга бориб сунъий интеллект технологиялари учун жами глобал харажатлар 620 миллиард АҚШ долларидан ошишини кутмоқда.
Андрей Беклемишев Қозоғистонда сунъий интеллектдан муваффақиятли фойдаланишнинг айрим мисоллари ҳақида гапириб, "Қазақстан темір жолы" компаниясининг рақамли синов майдончаларини яратиш ташаббусини қайд этди. "Синов майдонлари IT-компаниялар, университетлар ва технопарклар нафақат сунъий интеллектнинг турли компонентларини ишлаб чиқиш, балки ўз ечимларини темир йўл транспортининг реал иш шароитларига мослаштириб, амалиётда синаб кўришлари мумкин бўлган асосий майдонларга айланади", - дейди у.
Хитой Украина урушига қўшилиши мумкин
15 миллион сўмлик маошли бўш иш ўринлари ҳақида фуқаролар нега маълумот ололмаётганига изоҳ берилди
Лавров: Украинага тинчликпарвар кучларни киритиш Россия билан тўғридан-тўғри уруш
