Анқара Қора денгизда ALTURA нефть танкерига қилинган дрон ҳужумидан хавотирда.
Туркия Ташқи ишлар вазирлиги матбуот котиби Онжу Кесели бу ҳақда ижтимоий тармоқ саҳифасида ёзди.
"Тегишли органлар ҳужум билан боғлиқ ҳолда тергов олиб бормоқда ва зарур техник процедураларни амалга оширмоқда. Бортдаги 27 турк экипаж аъзосининг соғлиғи қониқарли", деди Ташқи ишлар вазирлиги вакили.
У Туркиянинг Қора денгиздаги эксклюзив иқтисодий зонасида содир бўлган ва халқаро ҳуқуққа зид бўлган бундай ҳужумлар минтақадаги инсон хавфсизлиги, навигация ва атроф-муҳит учун жиддий хавф туғдиришини таъкидлади.
"Биз урушнинг Қора денгизга тарқалиши ва кескинликнинг янада кучайишига йўл қўймаслик учун тегишли томонлар билан ҳамкорлик қилишда давом этамиз", деди Кесели.
Унинг қўшимча қилишича, Туркия минтақадаги иқтисодий манфаатлари ва фаолиятини ҳимоя қилиш учун халқаро ҳуқуқ доирасида зарур чораларни кўриш ҳуқуқини ўзида сақлаб қолади.
Эслатиб ўтамиз, 26 март куни Қора денгизда ALTURA нефть танкерига дрон ҳужум қилди.
Ҳусановнинг финалдаги ўйини қандай баҳоланди?
Эрон Трампнинг Ҳормуз бўғозини очиш ҳақидаги ультиматумига жавоб берди
Трампнинг онаси ўғли ҳақида: "У ақлсиз..."
