Қизил Хоч Исроилни шифокорларни ўлдиришда қоралайди

Халқаро Қизил Хоч Қўмитаси (ХҚХҚ) Ғазо жанубидаги Рафаҳ шаҳрида 14 нафар ёрдам ходимининг ўлимидан сўнг ҳайрат ва қайғу билдирди.

Ҳалок бўлганлар орасида Фаластин Қизил Ярим Ой Жамиятининг саккиз нафар ходими, беш нафар фуқаролик мудофааси ходими ва бир БМТ вакили бор.

"Бу ходимлар ва кўнгиллилар бошқаларга ёрдам бериш учун ўз ҳаётларини хавф остига қўйишди. Биз чуқур қайғудамиз ва уларнинг оила аъзолари, яқинлари ва ҳамкасбларига ҳамдардлик билдирамиз", - дейилади ХҚХҚ баёнотида.

23 март куни Фаластин Қизил ярим ой жамияти Рафаҳдаги ҳужум жойига юборилган тўртта тез ёрдам машинаси ва уларнинг экипажи Исроил армияси томонидан тўсиб қўйилгани ҳақида хабар берди. Айрим шифокорлар жароҳатланган.

Ўша куни Ғазо фуқаролик мудофааси бошқармаси Қизил ярим ой ёрдам гуруҳлари билан алоқани узганини айтди.

25 март куни Ғазо ҳукумати матбуот идораси Исроил тез ёрдам ва фуқаролик мудофаа хизматининг 15 нафар ходимини ҳибсга олгани ҳақида хабар берди.

28 март куни Фуқаролик мудофааси бошқармаси ходим Анвар Абделҳамид ал-Атторнинг жасади топилганини маълум қилди. Жасад парчаланиб кетган.

Қизил Ярим Ой жамияти кеча ОЧА, ХҚХҚ ва фуқаролик мудофааси билан ҳамкорликда олиб борилган ишлар натижасида 14 қурбоннинг жасади топилганини маълум қилди: саккиз нафар тез ёрдам ходими, беш нафар қутқарувчи ва бир БМТ вакили.

Қидирув тадбирлари давом этмоқда. Бир шифокор ҳали ҳам йўқолган.