Қирғизистонда талабаларга қалбаки ҳужжатлар тайёрлаб, сотиш билан шуғулланган Ўзбекистон фуқароси қўлга олинди. Бу ҳақда мамлакат Миллий хавфсизлик давлат қўмитаси матбуот маркази хабар берди.
“Ўш шаҳридаги олий ўқув юртларида таҳсил олаётган талабаларга, Ўзбекистон фуқароларига Қирғизистон Республикасининг қалбаки талаба электрон визалари ва рўйхатга олиш карталарини мунтазам тайёрлаб, сотган Ўзбекистон Республикаси фуқароси А.Ш.Р.нинг жиноий фаолияти аниқланди ва бостирилди”, дейилади ҳисоботда.
Қайд этилишича, 12 май куни гумонланувчи қўлга олиниб, Миллий хавфсизлик давлат қўмитасининг вақтинчалик сақлаш изоляторига жойлаштирилган. Эртаси куни Ўш шаҳар суди уни икки ойга ҳибсга олган. Ҳозирда тергов давом этмоқда.
Россия яна бир ҳарбий можарода иштирок этиши мумкин
Шоҳжаҳон Жўраев икки йил олдин отаси Шерали Жўраевни судга берган
Макрон: "Агар Россия ғалаба қозонса..."
