Қирғизистон президенти матбуот хизмати хабарига кўра, Садир Жапаров расмий ташриф билан бўлган Германияда президент Франк-Валтер Штайнмаер ва канцлер Олаф Шольц билан алоҳида учрашувлар ўтказган.
Жапаров Президент Штайнмаер билан учрашувда Қирғизистонда аҳоли фаровонлигини ошириш, иқтисодиётни мустаҳкамлаш ва қулай сармоявий муҳит яратишга қаратилган кенг кўламли ислоҳотлар ҳақида гапирди.
Қирғизистон президенти Германия канцлери Шолс билан яккама-якка учрашувда қирғиз-герман ҳамкорлигини янада мустаҳкамлаш муҳимлигини таъкидлаб, «Биз немис корхоналарининг иқтисодиётимиздаги иштирокини олқишлаймиз», деди.
Музокаралар натижасида Қирғизистон Вазирлар Маҳкамаси ва Германиянинг бир қатор ихтисослашган компаниялари ўртасида 2 та сузувчи қуёш электр станциясини қуриш ва улардан фойдаланиш бўйича шартнома имзоланди.
