Қирғизистон парламенти спикери Бишкек туманларининг номларини зудлик билан ўзгартиришга чақирди. Гап Қирғизистон пойтахтининг "Первомайский", "Свердловский", "Октябрьский" ва "Ленинский" туманлари ҳақида кетмоқда, деб маълум қилди Спутник Қирғизистон.
Аввалроқ ҳам шаҳар ҳокимияти шу таклифни билдирган эди.
"Афсуски, мамлакатимизда ҳали ҳам бошқа тиллардаги номлар кўп. Уларга қирғиз тилида ном бериш зарур. Пойтахтнинг тўрт тумани номини ўзгартириш лозим", — деди парламент спикери Нурланбек Шакиев.
