Қирғизистон электрон сигареталар импортини чекламоқчи

Қирғизистон Иқтисодиёт ва савдо вазирлиги "Электрон сигареталар ва таркибида никотин бўлган суюқликларни олиб киришни вақтинчалик тақиқлаш тўғрисида"ги қарор лойиҳасини жамоатчилик муҳокамаси ташаббуси билан чиқди.

Бу ҳақда Қирғизистон ОАВлари хабар бермоқда.

Ҳужжат 2025 йил 1 июлдан кучга кирган “Фуқаролар соғлиғини тамаки ва никотин истеъмоли оқибатларидан ҳимоя қилиш тўғрисида”ги қонуннинг 15-1-моддасини амалга ошириш доирасида тайёрланган бўлиб, у аҳоли саломатлигини муҳофаза қилиш, айниқса, ёшлар ўртасида никотин гиёҳвандлигининг олдини олишга қаратилган.

Лойиҳада битта корпусда суюқлик бўлган электрон сигареталар ва никотин етказиб бериш тизимларини, шунингдек, патронлар, цистерналар ва бошқа идишлардаги никотинли суюқликларни олиб киришни олти ой муддатга тақиқлаш кўзда тутилган.

Божхона маълумотларига кўра, сўнгги йилларда импорт ҳажми ўсиб бормоқда: 2023 йилда деярли 50 тонна, 2024 йилда 83 тоннадан ортиқ ва 2025 йилнинг биринчи тўрт ойида тахминан 12 тонна. Асосий етказиб берувчи давлатлар - Хитой, Корея Республикаси, Буюк Британия, Гонконг, Германия ва Қозоғистон.