Ўзгалар мулкини талон-торож қилиб, суд-тергов органларидан яширинган ва қидирувда бўлган Ўзбекистон фуқароси Россияда қўлга олинди. Бу ҳақда Бухоро вилояти Ички ишлар бошқармаси хабар берди.
Қайд этилишича, Б.Ж. исмли ушбу шахс 1994 йилда туғилган. У Жиноят кодексининг 167-моддаси (Ўзлаштириш ёки растрата йўли билан талон-торож қилиш) 3-қисмида назарда тутилган жиноятни содир этиб, суд-тергов органларидан яширинган. Унга Жиноят ишлари бўйича Қоракўл туман суди томонидан қидирув эълон қилинган. Қоракўл тумани Янгитурмуш маҳалласида рўйхатда турувчи бу фуқаро бундан олдин ҳам судланган.
Ўтказилган тезкор қидирув тадбирлари давомида ўзбекистонлик Россиянинг Москва вилоятида ушланиб, унинг Ўзбекистонга экстрадиция қилиниши таъминланган.
Хонанда Бахтиёр Султонов вафот этди
Яҳё Синвар "Йил одами" унвонига сазовор бўлди
Курск вилоятидаги рус аскарларига зарба берилди
