Қатардаги газ иншоотларига ракета ҳужумлари: Италия, Бельгия ва Хитойга газ етказиш тўхтатилди

"Qatar Energy" компанияси Италия, Бельгия, Жанубий Корея ва Хитой билан тузилган суюлтирилган табиий газ (СТГ) етказиб бериш бўйича узоқ муддатли шартномалар юзасидан "форс-мажор" ҳолатини эълон қилди.

Бу ҳақда "Al Jazeera" телеканали хабар бермоқда.

Қайд этилишича, бундай қарорга компаниянинг Рас-Лаффандаги корхоналарига ракета ҳужумлари натижасида етказилган жиддий зарар сабаб бўлган. У ерда СТГни қайта ишлаш бўйича иккита ва газни суюқликка айлантириш бўйича яна битта объект шикастланган.

«Биз етказилган зарарни баҳоламоқдамиз ва зарар кўрган объектларни таъмирлаш графигини тузяпмиз», — дейилади "Qatar Energy" баёнотида.