Қатар АҚШга ўз ҳудудидан Эронга ҳужум қилишга рухсат бермаган

Қатар давлати АҚШга ўз ҳудудидан Эронга қарши ҳарбий ҳужумлар уюштириш учун фойдаланишга рухсат бермаган. Бу ҳақда Қатар Ташқи ишлар вазирлигининг давлат вазири Муҳаммад ал-Хулайфий Al Jazeera телеканалига берган интервьюсида маълум қилди.

Унинг таъкидлашича, Қатар ҳудуди бошқа давлатларга қарши ҳарбий ҳаракатлар учун ишлатилишига рози эмас.

Шунингдек, 11 март куни Дубай ва Доха осмонида бир неча кучли портлашлар кузатилган. Дастлабки маълумотларга кўра, улар Бирлашган Араб Амирликлари ва Қатарнинг ҳаво мудофаа тизимлари ишлаши билан боғлиқ бўлиши мумкин.