28 февраль Оқ уйдаги воқеаларнинг ягона ғолиби Россия президенти Владимир Путин бўлди. Yle нашрининг хабар беришича, бу ҳақда Финляндия президенти Александр Стубб Доналд Трамп ва Владимир Зеленскийнинг очиқ тортишувга айланиб кетган учрашувига изоҳ берар экан, маълум қилди.
"Бу дипломатик муваффақиятсизлик эди, аслида фақат битта ғолиб бор эди ва у ҳатто у ерда ҳам бўлмаган. Бу Владимир Путин," - деди Стубб Ykkösaamu телекўрсатувида.
Стубб Оқ уйдаги воқеаларни "қайғули" ва "тарихий" деб таърифлаган.
"Мен катта бўлганимдан бери халқаро сиёсат ва дипломатия билан шуғулланаман ва ҳеч қачон бундай нарсани омма олдида кўрмаганман. Ёпиқ эшиклар ортида турли хил муҳокамаларни кузатиш мумкин, аммо жума куни камералар олдида содир бўлган воқеалар жуда кам учрайди," - дея қўшимча қилди у.
Стуббнинг айтишича, Финляндия тинчликка эришиш учун уч босқичли дастлабки режа ишлаб чиққан. Биринчи босқич Украинани ҳарбий, сиёсий ва иқтисодий жиҳатдан кучайтириш ҳамда Россияга нисбатан максимал даражада босим ўтказишни кўзда тутади.
"Украина хавфсизлик масалаларида етакчи мавқега эга бўлиши, аммо бунда Европа ва АҚШ ёрдамида иш юритиши лозим," - деб таъкидлади Стубб.
Россия қурилиш майдонларида Ўзбекистон, Тожикистон ва Қирғизистон муҳожирларини ўрнини эгаллайдиган миллат пайдо бўлди
Руслар Путинга қарши чиқди
Актёр ва унинг рафиқаси ўлик ҳолда топилди
