Россия президенти Владимир Путин Санкт-Петербург халқаро иқтисодий форумининг ялпи мажлисида Украина президенти Владимир Зеленский билан шахсий учрашув ўтказишдан ҳозирча маъно кўрмаётганини билдирди.
«Учрашувнинг маъносини кўрмаяпман. Аввало, ечим топишимиз керак», — деди Путин форум модератори, ҳиндистонлик журналист Гита Моҳаннинг саволига жавоб берар экан.
Унинг таъкидлашича, томонлар аввал муайян келишувларга эришиши лозим.
«Украина томони учун қуролли кучларимизнинг ҳужумини тўхтатиш мантиқан тўғри бўларди. Аммо бизга келишувлар керак. Мутахассислар ишласин, айрим ечимларни ишлаб чиқсин, шундан кейин учрашишимиз мумкин», — деди Россия раҳбари.
Путиннинг айтишича, унинг матбуот котиби Дмитрий Песков бир кун аввал Зеленскийнинг очиқ хати билан таништирган. Президентнинг сўзларига кўра, ушбу мактубда «қўполлик унсурлари» мавжуд бўлган.
Нутқининг бошида Путин Зеленскийнинг исмини тилга олмай, уни «хат муаллифи» ва «бу жаноб» деб атади. Кейинроқ эса Украина президентининг фамилиясини айтди.
Бир кун аввал Владимир Зеленский Владимир Путинга очиқ мактуб йўллаб, Украина Россия учун уруш харажатларини сезиларли даражада ошириш имкониятига эга эканини таъкидлаган ва жанговар ҳаракатларни тўхтатиш мақсадида шахсий учрашув ўтказиш таклифини яна бир бор билдирган эди.
Путиннинг баёноти Россия раҳбарияти ҳозирча тўғридан-тўғри саммитдан кўра, аввал музокарачилар ва экспертлар даражасида аниқ келишувлар ишлаб чиқилишини афзал кўраётганини кўрсатмоқда.
Ўзбекистонда янги кўл пайдо бўлди
Россия Молия вазирлиги ва Марказий банк Путинни огоҳлантирди
2026 йил ёзда Марказий Осиё мамлакатларида аномал даражада кучли ёғингарчиликлар кузатилиши мумкин
