Россия агросектори юқори унумдор ва юқори технологияли бўлиб бормоқда, шунинг учун бу соҳа муҳандислар учун қизиқарли бўлиши мумкин, деб таъкидлади Россия президенти Владимир Путин "Россия - имкониятлар мамлакати" ННТ кузатув кенгаши йиғилишида. У мамлакатда картошка етишмовчилиги кузатилаётганини эслатиб, робототехника мутахассисларини аграр соҳани эътибордан четда қолдирмасликка чақирди.
"Кеча агробизнес вакиллари билан учрашувда маълум бўлдики, картошка йўқ экан. Александр Григоревич билан суҳбатлашганимда, у: "Бизда бор нарсанинг ҳаммаси Россияга сотиб бўлинган," деди. Бу ерда ҳам қиладиган ишлар кўп! Агросекторимиз юқори унумли, юқори технологияли ва жуда қизиқарли иш йўналишига айланмоқда, уни эътибордан четда қолдирмасликни тавсия этаман," - деди Путин.
Бир кун олдин тадбиркорлар вакиллари билан учрашувда Россия президенти ёрдамчиси Максим Орешкин Путинга Беларусда картошка тугаганини маълум қилди. У президентнинг ўз ҳосилига эга бўлиш зарурлиги ҳақидаги фикрига шундай жавоб берди.
Орешкиннинг сўзлари қўшни давлатни "картошка бўйича мутахассис" деб атаган Россия раҳбарини ҳайратга солди. "Қандай қилиб тугабди? - деб сўради Путин. - Максим Белоруссияда картошка тугаганини айтмоқда. Бу нима дегани ўзи?"
Кремль миллиардлаб топмоқда, Европа эса миллиардлаб сарфламоқда
Покистон ва Афғонистон ўртасида қуролли можаро бошланди
Дуров: "Мен русман!"
