Украина Ташқи ишлар вазирлиги Россия президенти Владимир Путиннинг Киевдаги қарор қабул қилиш марказларини «Орешник» ракетаси билан уриш ҳақидаги таҳдидларини танқид қилди.
«Ушбу баёнотлар билан Путин яна бир бор бу уруш давом этишини ва бу урушни кенгайтиришни истаган ягона шахс эканлигини кўрсатди», деди ТИВ матбуот котиби Георги Тихи.
Тихийнинг айтишича, Путиннинг сўзлари можарода вазминликка чақираётган Хитой ва Бразилия каби давлатларга нисбатан ҳурматсизликдир.
«Биз ҳаммани урушнинг кенгайишига йўл қўймасликка ундаган давлатлардан Путиннинг бугунги баёнотларига муносабат билдиришини кутамиз», — деди Тихи.
Унинг сўзларига кўра, Путиннинг сўзлари Украинанинг иттифоқчилари ва Украинадаги урушни тўхтатишга интилаётган АҚШнинг янги сайланган президенти Доналд Трампга қаратилган «шантаж»дир.
