Россия президенти Владимир Путин АҚШ президенти Доналд Трампнинг саъй-ҳаракатларини Россия-Украина урушини якунлаш учун энг яхши имконият деб баҳоламоқда. Бу ҳақда Bloomberg Москвадаги манбаларга асосланиб хабар бермоқда.
Нашр суҳбатдошларининг маълум қилишича, Россия Трамп мақбул тинчлик битимига эришишга ёрдам бера олишига умид қилмоқда, бироқ музокаралар барбод бўлган тақдирда Украинага қарши ҳарбий ҳаракатларни давом эттиришга шай турмоқда.
Манбаларнинг таъкидлашича, Кремль Трампнинг Россия нефтига қўшимча божлар киритиш ҳақидаги таҳдидларига жиддий эътибор қаратмаяпти. Илгари Америка раҳбари Россия Украинада ўт очишни тўхтатишга рози бўлмаса, шундай чоралар кўрилишини айтган эди.
Россия президентининг матбуот котиби Дмитрий Песков Bloomberg нашрига берган изоҳида, Россия "муаммони ҳал қилиш йўлларини излашда ҳамкорликдаги саъй-ҳаракатларни маъқул кўришини," аммо бунинг учун вақт зарурлигини қайд этди. "Ҳамма қарама-қаршиликдан қочиб, мулоқот олиб боришни истайди - нафақат гапириш, балки эшитилишни ҳам. Биз АҚШнинг ҳозирги маъмурияти билан муносабатларда айнан шуни кўряпмиз," - деди у.
Вашингтон 20 апрелгача тинчлик келишувига эришишни режалаштирган эди, бироқ Bloomberg ёзишича, энди бу мақсадга эришиш қийинлашганга ўхшайди. Бундан ташқари, агентлик қайд этишича, сўнгги пайтларда Владимир Путин ва Доналд Трамп ўртасидаги эҳтимолий учрашув ҳақидаги гаплар анча камайиб қолган.
Чўнтакка зарба: Гўшт нархи “учиб кетди” – Ўзбекистонда март ойида 9,1% ошди!
🔴 БАА судидан шов-шувли қарор: ўзбекистонликлар ўлимга ҳукм қилинди!
Қувайт энди Эронга ошкора ваъда берди
