Хитой, Россия ва АҚШ раҳбарлари ўртасида тарихда илк бор уч томонлама саммит ўтказилиш эҳтимоли Европа ва Украина томонидан жиддий хавотир билан кутиб олинмоқда. Ушбу муҳокамалар фонида баъзи экспертлар бу жараённи Иккинчи жаҳон урушидан кейинги дунёни таъсир доираларига бўлиб олиш тизимининг такрорланиши мумкинлиги билан боғламоқдалар.
Хитой Ташқи ишлар вазирлиги ҳамда Кремль матбуот хизмати томонидан маълум қилинишича, Россия президенти Владимир Путин, АҚШ президенти Дональд Трамп ва Хитой Халқ Республикаси Раиси Си Цзиньпиннинг уч томонлама учрашувини ўтказиш юзасидан маслаҳатлашувлар олиб борилмоқда. Мазкур саммитни 18–19 ноябрь кунлари Хитойнинг Шэньчжэнь шаҳрида бўлиб ўтадиган АТЭС (Осиё-Тинч океани иқтисодий ҳамкорлиги) саммити доирасида ташкил этиш режалаштирилган. АҚШ президенти Дональд Трамп ушбу ташаббусни ошкора қўллаб-қувватлаган.
Бироқ, халқаро кузатувчиларнинг қайд этишича, учрашувнинг умуман ўтказилиши ҳамда агар бўлиб ўтган тақдирда унда қандай масалалар муҳокама қилиниши ҳозирча ноаниқлигича қолмоқда. Хусусан, синолог-экспертлар Москва ва Вашингтон томонидан илгари сурилаётган мавзулар Пекиннинг геосиёсий манфаатларига тўла мос келмаслиги мумкинлигини таъкидламоқдалар.
Шу билан бирга, Украина президенти Владимир Зеленский эҳтимолий учрашувга муносабат билдирар экан, бу каби жараёнлар янги геосиёсий келишувларга ва таъсир доираларининг қайта тақсимланишига олиб келишидан хавотирда эканини билдирди.
Ўзбекистонда кескин совуқ ва кучли ёғингарчилик кутилмоқда
Актриса Нилуфар Ҳамидова 7 суткага қамалди
"Майли мени ўлдиришсин. Лекин... "
