Путин: "Трамп қулай суҳбатдош, гачрчи у ҳаммани ҳайратда қолдиришни яхши кўрса-да"

Россия президенти Владимир Путин америкалик ҳамкасби Дональд Трампни тинглашни ва эшитишни биладиган қулай суҳбатдош деб атади, гарчи у баъзида ҳайратда қолдиришни яхши кўрса-да.

Путин бу ҳақда "Валдай" халқаро мунозара клубининг ялпи мажлисида баёнот бериб, 15 август куни Аляскада АҚШ президенти билан бўлган учрашувини эслаб ўтди.

"Менинг фикримча, президент Трамп ва биз бир-биримизни анчадан бери таниймиз, у бироз ҳайратда қолдиришни яхши кўради. Биз буни ҳаммамиз кўриб турибмиз, дунё бўйлаб ҳамма кўрмоқда. Лекин у асосан тинглашни биладиган одам. У тинглайди, эшитади ва жавоб қайтаради. У қулай суҳбатдош", деди Путин.

Путин Трамп билан Россия-Украина можаросини ҳал қилиш имкониятларини муҳокама қилганини, шунингдек, Москва ва Вашингтон ўртасидаги муносабатлар кун тартибига тўхталганини таъкидлади. “Бироқ, у ёки бу тарзда, ҳатто юзаки бўлса ҳам, нафақат боши берк кўчага кириб қолган, балки хотиранинг энг паст нуқтасида қолган Россия-Америка муносабатларини тиклаш ҳақида сўз борди”, — деди Россия раҳбари.

Эслатиб ўтамиз, Путин ва Трамп 15 август куни Алясканинг Анкориж шаҳрида музокара ўтказган эди.Етакчилар Элмендорф-Ричардсон ҳарбий-ҳаво базасида учрашган. Президентларнинг тор доирада, учдан учга ўтган музокаралари 2 соат 45 дақиқа давом этди.