Путин Трамп билан Украинада ўт очишни тўхтатиш масаласини муҳокама қилишга тайёр — Reuters

Агентликнинг манбаларига таяниб хабар беришича, Россия президенти фронт чизиғида можарони музлатиб қўйишга тайёрлигини билдирган. Шу билан бирга, Путин босиб олинган Украина ҳудудлари Россия таркибида қолишини ҳамда Украина NATO'га киришдан бош тортиши кераклигини талаб қилмоқда. Бунинг эвазига Харков ва Николаев вилоятларида рус армияси томонидан босиб олинган ҳудудлар Украинага қайтарилиши қайд этилган.

"АҚШ президенти Жо Байденнинг Ғарб ракеталарини Россия ҳудудига зарбаларда қўллашга рухсати бўлажак музокараларни қийинлаштириши ва секинлаштириши мумкин", деб ёзади Reuters.