Путин Қўшма Штатларнинг XIX асрдаёқ Гренландияни ўзига қўшиб олишни режалаштириб юрганини маълум қилди

Россия Президенти бу ҳақда халқаро Арктика форумида нутқ сўзлаганида айтиб ўтди.

Владимир Путиннинг бошқа баёнотлари:

◾️АҚШнинг Гренландияни ўзига қўшиб олиш режалари XIX асрнинг 60 йилларидаёқ мавжуд эди. Буни ғайриоддий ғоя деб ҳисоблаш ақлсизликдир;

◾️Гренландияни қўшиб олиш масаласи икки давлатнинг ички иши бўлиб, бизга бунинг ҳеч қандай даҳли йўқ;

◾️Россия Арктикада ҳеч кимга таҳдид солмаган;

◾️Россия ва бутун дунё учун Арктиканинг роли ҳамда аҳамияти ортиб бормоқда, минтақадаги геосиёсий кураш ҳам кучаймоқда;

◾️Ғарб мамлакатларидаги сиёсатчилар ва партия арбоблари ўз сайловчиларига экологик кун тартибининг муҳимлиги ҳақида гапириб келадилар, бироқ амалда тескари йўл тутадилар;

◾️Биз Арктикада тенг ҳуқуқли ҳамкорлик тарафдоримиз;

◾️Агар Ғарб давлатлари қизиқиш билдирса, Арктикада қўшма лойиҳаларни амалга ошириш мумкин;

◾️Россияга Арктикада ўз савдо флоти зарур;

◾️NATo’га аъзо давлатлар кўпинча Арктикани кичик можаролар учун бир майдон сифатида кўришади, ҳозирда уларнинг аскарлари Финляндия ва Швецияда фаол;

◾️Россия янги авлод музёрар кемаларини ишга тушириши ва бу соҳада ўз мавқеини мустаҳкамлаши лозим;

◾️Россия Федерацияси Шарқий полигонга ўхшаш тарзда Арктика темир йўл полигонини ривожлантириши зарур;

◾️Сибирга ва Уралга Транссибни енгиллаштириш мақсадида Арктикага темирйўл орқали чиқиш имконияти яратилиши лозим.