Россия президенти Владимир Путин Украинанинг чегарадаги Курск вилоятига бостириб кириши унинг Украина шарқидаги ҳужумини тўхтата олмаслигини айтди.
«Уларнинг ҳисоб-китоби Донбаснинг асосий қисмларида бизнинг ҳужумкор ҳаракатларимизни тўхтатиш эди», деди Путин Сибирга ташрифи чоғида мактаб ўқувчиларига ва қўшимча қилди: «Биз, албатта, Россия Федерациясига кирган бу бандитлар билан курашишимиз керак».
Август ойи бошида Украина Курскга кутилмаган ҳужум уюштириб, сўнгги ҳафталарда ўнлаб шаҳар ва қишлоқларни эгаллаб олди.
