Россияни асосий табиий газ бозоридан маҳрум қилган Европани музлатишга бўлган муваффақиятсиз уриниш федерал буджетнинг газ даромадларини йўққа чиқарди, деб ёзади мухолиф рус матбуоти.
Биринчи чорак натижаларига кўра, федерал ғазна газ экспорти бўйича фақат 114 миллиард рубль бож олди. 2023 йилнинг январь-март ойлари билан солиштирганда, газ экспортидан тушган даромадлар яна 17 фоизга ёки 24 миллиард рублга камайган, агар 2022 йилнинг шу даври билан солиштирганда, улар 4,4 бараварга камайган.
Инфляцияни ҳисобга олган ҳолда, «Газпром» нинг европалик мижозларига газни ўчириб қўйиши ғазнани ҳар чоракда 418 миллиард рублдан маҳрум қилган — бу миллий ЯИМнинг 1,9 фоизига тенг ва Россиянинг йирик минтақалари, масалан, Ленинград вилояти (226 миллиард рубль) йиллик буджетидан деярли икки баравар кўп.