Путин АҚШ билан Украина бўйича музокараларга “оғир вазнли” жамоани жалб қилди

БУ ҳақда Bloomberg хабар бермоқда.

Путин АҚШ билан музокараларга Россия президентининг ташқи сиёсат масалалари бўйича ёрдамчиси Юрий Ушаков, Ташқи разведка хизмати директори Сергей Наришкин ва Тўғридан-тўғри инвестициялар жамғармаси (RFPI) бош директори Кирилл Дмитриевларни тайинламоқчи.

Нашрнинг таъкидлашича, Ушаков ва Наришкин Россия қўшинлари босқинидан кўп ўтмай Украина билан можарога барҳам бериш юзасидан илк музокараларда иштирок этган. Кирилл Дмитриев эса 2025 йил феврал ойида АҚШ билан Марк Фогелни озод қилиш бўйича музокараларда қатнашган.

Россия музокаралар гуруҳига 2022 йилдаги Россия-Украина музокараларида қатнашган бошқа шахслар ҳам қўшилиши мумкин. Кремлга яқин манбаларнинг айтишича, улар Украина вакиллари билан музокараларда иштирок этади. Улар орасида Владимир Мединский ҳам бўлиши мумкин.