Эрлинг Холанднинг клубини алмаштириши мумкинлиги ҳақидаги миш-мишлар янада кучайди. Бунга "Манчестер Сити"нинг молиявий қоидаларни кўп маротаба бузганликда айбдор деб топилгани сабаб бўлмоқда.
"Шаҳарликлар" Англия Премьер-лигасидан четлатилиши мумкин ва агар шундай ҳолат юз берса, клуб ўзининг бир қатор юлдуз футболчилари билан хайрлашиши эҳтимоли бор.
El Nacional нашри "Реал" ва "Барселона"ни Холанд учун асосий даъвогарлар сифатида кўрсатди. Шу билан бирга, манба Le Parisien маълумотига таяниб, норвегиялик тўпурар учун курашда Ла Лига грандларини "ПСЖ" ортда қолдириши мумкинлигини таъкидламоқда.
Париж клуби президенти Нассер Ал-Хелаифи Холандни ўз жамоасига олиб келиш учун барча имкониятларни ишга солишга тайёр.
"ПСЖ"да Эрлинг Холанд Усман Дембеленинг ўрнини эгаллаши мумкин. Франциялик футболчининг Саудия Арабистонига йўл олиши эҳтимоли ҳам истисно қилинмаяпти.
26 ёшли Холанднинг трансфер қиймати Transfermarkt портали томонидан 220 миллион еврога баҳоланмоқда.
"Олтин тўп" учун овоз бериш якунланди
Ўзбекистон терма жамоаси аъзоси легионерга айланиши мумкин
Португалия терма жамоаси Роналду кетганидан сўнг расмий баёнот берди
