"ПСЖ" ҳужумчиси Килиан Мбаппенинг келажаги ноаниқлигича қолмоқда.
El Golazo de Gol нашри хабарига кўра, Париж клуби расмий дўконидан Мбаппенинг барча футболкаларини олиб ташлаган. Бундан ташқари, футболчининг сурати "ПСЖ"нинг "Парк де Пренс"даги стадионидан олиб ташланган.
Олдинроқ Мбаппе Франция чемпионатининг янги мавсуми бошланиши олдидан асосий жамоа билан машғулотларга киришга рухсат берилмагани ҳақида хабар берилганди.
Эслатиб ўтамиз, 24 ёшли футболчи "ПСЖ" билан шартномасини узайтиришдан бош тортган, бироқ шу билан бирга келаси ёзда тугайдиган шартномаси тугагунча клубни тарк этишни истамаяпти.
