«ПСЖ» тўрт ўйинлик ғалабасиз серияга чек қўйди

«ПСЖ» тўрт ўйиндан иборат ғалабасиз сериясига барҳам берди.

Луис Энрике бошчилигидаги жамоа Чемпионлар лигаси умумий босқичининг 1-турида «Слован»ни 6:1 ҳисобида тор-мор қилди.

Бунга қадар парижликлар кетма-кет тўртта учрашувда ғалаба қозона олмаган эди. «ПСЖ» Лига 1 доирасида «Монако»га 1:2 ҳисобида, Франция Суперкубогида эса «Ланс»га 0:1 ҳисобида мағлуб бўлган.

Шунингдек, жамоа чемпионатда «Лилль» ва «Ренн» билан бир хил — 2:2 ҳисобида дуранг ўйнаган.

13 сентябрь куни «ПСЖ» Франция чемпионати доирасида «Брест»га қарши майдонга тушади.