"ПСЖ" ҳимоячиси АПЛ клуби билан шартнома имзолади

"Сандерленд" клуби ўзининг расмий сайтида ҳимоячи Норди Мукиэленинг трансфери ҳақида маълумот жойлаштирди. Футболчи "ПСЖ"дан "қора мушуклар" сафига кўчиб ўтди. Мукиэле тўрт мавсумга мўлжалланган шартнома имзолади.

Матбуот маълумотларига кўра, 27 ёшли Мукиэленинг трансфери учун "Сандерленд" "ПСЖ"га 12 миллион евро тўлаган.

Норди Мукиэленинг асосий позицияси - ўнг қанот ҳимоячиси. Шунингдек, футболчи марказий ҳимояда ва ўнг ярим ҳимоя позициясида ўйнашга қодир.

Эслатиб ўтамиз, "Сандерленд" Премьер-лиганинг 1-турида ўз майдонида "Вест Хэм"ни қабул қилиб, йирик 3:0 ҳисобида ғалаба қозонганди.