Португалия жамоат жойларида бурқа ва ҳижоб кийишни тақиқламоқда

Португалия парламенти жамоат жойларида "жинсий ёки диний" сабабларга кўра юзни ёпиб турувчи кийим кийишни тақиқловчи қонун лойиҳасини маъқуллади.

Бу ҳақда Associated Press хабар бермоқда.

Ўта ўнгчи "Чега" партияси ташаббуси билан бошланган ташаббус, биринчи навбатда, айрим мусулмон аёллар кийган бурқа ва ниқобга қаратилган.

Қонун лойиҳасига кўра, тақиқ аксарият жамоат жойларига татбиқ этилади. Истисноларга самолётлар, дипломатик ваколатхоналар ва диний ибодатхоналар киради. Қоидабузарликлар учун 200 дан 4000 еврогача жарима солинади.

Қонун президент Марсело Ребелу де Соуза томонидан имзоланганидан кейин кучга киради, у унга вето қўйиши ёки ҳужжатни кўриб чиқиш учун Конституциявий судга юбориши мумкин. Агар маъқулланса, Португалия бош ва юзни қоплашни тўлиқ ёки қисман тақиқлаган Австрия, Франция, Бельгия ва Нидерландияга қўшилади.

Ўнг марказчи кучлар томонидан қўллаб-қувватланган Чега партияси ўз ташаббусини Европа Иттифоқининг бошқа мамлакатлари тажрибасига асослади. Ҳужжатда таъкидланишича, юзни ёпиш одамларни, айниқса аёлларни эркинлик, тенглик ва инсон қадр-қимматига мос келмайдиган истисно ва тенгсизлик ҳолатларига қўяди. Унда қайд этилишича, Португалияда кам одам бундай бош кийим кийган бўлса-да, бошқа Европа мамлакатларида бўлгани каби бу масала ҳам мунозаралилигича қолмоқда.