Германиянинг собиқ канцлери Ангела Меркелнинг айтишича, Польша ва Болтиқбўйи давлатлари 2021 йилда Россия билан тўғридан-тўғри музокаралар ўтказиш ташаббусини қўллаб-қувватламаган. Бу ҳақда у Венгриянинг Partizan нашрига берган интервюсида айтиб ўтди.
Унинг сўзларига кўра, бундай қарор Европа Иттифоқи давлатлари Россияга нисбатан ягона сиёсат ишлаб чиқа олмаслигидан хавотир билан боғлиқ бўлган.
Меркелнинг таъкидлашича, Путин билан тўғридан-тўғри музокаралар олиб бориш имконияти йўқлиги кейинги воқеаларга жиддий таъсир кўрсатган.
"Ҳозир замон ўзгарди ва биз тинчликка эришиш учун қандай позицияни эгаллашимиз энг маъқул бўлиши ҳақида ўйлаб кўришимиз зарур", — деди Меркел.
Унинг фикрича, бу фақат Европа “ҳақиқий тўхтатувчи куч” сифатида иштирок этиб, Украинани қўллаб-қувватлаган тақдирдагина амалга ошиши мумкин бўлади.
Хитой ўз аҳолисини жиддий огоҳлантирди
Эронда ҳижоб бекор қилиндими?
Дунёда мол гўшти рекорд даражада қимматлади
