Польша Европа комиссиясига миграция пактидан тўлиқ озод қилиш учун ариза берди.

Польша Ички ишлар вазирлиги ва маъмурияти Европа комиссиясига Миграция пакти бўйича бирдамлик механизмидан тўлиқ озод қилиш учун ариза топширди.

Бу ҳақда чоршанба куни вазирлик матбуот хизмати маълум қилган.

"Биз бир неча ой давомида ҳеч қандай кўчириш механизмларига рози эмаслигимизни таъкидлаб келмоқдамиз. Польша Европа Иттифоқи чегараларини ҳимоя қилиш учун жуда катта харажатларни ўз зиммасига олади ва Беларус томонидан миграция босимини бошдан кечирмоқда... Шуни таъкидлаш керакки, бундай аризани топшириш қарори бир йил эмас, балки кўп йиллик ҳимояни англатади. Биз бу ҳақда эълон қилдик ва ўз сўзимизда турдик”, деди Польша ички ишлар вазири Марцин Кервинский аризасига изоҳ берар экан.

Аввалроқ Польша бош вазири Дональд Туск мамлакат Европа Иттифоқи миграция пактини амалга оширишдан қатъий бош тортганини маълум қилганди. Президент Карол Навроски ва ташқи ишлар вазири Марцин Кервински ҳам Польшада Европа Иттифоқининг миграция пактининг амалга оширилишига қарши чиқиш ниятида эканликларини маълум қилди.

Польша-Беларус чегарасида хорижликлардан халқаро ҳимоя учун аризаларни қабул қилиш тўхтатилгани аввалроқ хабар қилинган эди. 60 кун давомида амалда бўлган Полша ҳукуматининг тегишли қарори 2025 йил 27 мартда кучга кирди ва кейинчалик Сейм томонидан узайтирилди.