Польшадаги мухолифатдаги «Фуқаролик коалицияси» Европа Иттифоқи (ЕИ) рамзларини таҳқирлаганлик учун қамоқ жазосини жорий этишни назарда тутувчи қонун лойиҳасини тақдим этди. Бу ҳақда Dorzeczy.pl хабар берди.
«Европа Иттифоқи рамзлари ва уларни ҳимоя қилиш тўғрисида»ги қонун лойиҳасига кўра, ЕИ байроқлари ва рамзларини оммавий равишда ҳақорат қилиш, йўқ қилиш, шикастлаш ёки олиб ташлаш озодликни чеклаш ёки бир йилгача озодликдан маҳрум қилиш билан жазоланиши мумкин.
Ташаббус муаллифлари айрим сиёсатчилар ЕИ байроғини «латта» деб атагани, уни ёқиб юборгани ёки оёқ ости қилгани каби ҳолатлар жазосиз қолганини таъкидламоқда. Қонун лойиҳасида, шунингдек, Европа рамзларидан реклама мақсадларида нотўғри фойдаланганлик учун 5 минг злотийгача жарима жорий этиш ҳам назарда тутилган.
Ҳужжат Европа Иттифоқи рамзларининг «қадр-қимматини» хорижий давлатлар байроқлари билан тенг равишда ҳимоя қилишга қаратилган.
Қорақалпоғистондаги “Борсакелмас” қўриқхонаси фотоқопқонига қорақулоқ муҳрланди
"Шайтон трусик": Инстаграмда ички кийимларини беҳаё реклама қилдирган тадбиркорнинг иши судга оширилди
“Уч дара” — дунёдаги энг катта қувватга эга тўғон
