Пол Погба Россиянинг машҳур клубига ўтишни рад этди

Россиянинг «Зенит» клуби ҳозирда жамоасиз бўлган Пол Погбага таклиф билан чиқди.

«Спорт-Экспресс» хабарига кўра, Россия чемпиони франциялик 31 ёшли яримҳимоячини ўз сафида кўришни истаб, таклиф тайёрлаган. Аммо «Манчестер Юнайтед» ва «Ювентус»нинг собиқ ярим ҳимоячиси Россия клубига ўтишни рад этган.

Маълумот учун, 31 ёшли Погба допинг қабул қилишда айбланиб, дисквалификация қилинган эди. Шундан сўнг «Ювентус» футболчи билан шартномани бекор қилганди.

4 йилга дисквалификация қилинган футболчининг четлатиш муддати CAS томонидан 1,5 йилга қисқартирилгач, футболчи 10 март кунидан бошлаб янги жамоада тўп суриш ҳуқуқига эга.