Покистондаги сув тошқинлари сўнгги икки ойда 884 кишининг умрига зомин бўлди

Халқаро Қизил Хоч ва Қизил Ярим Ой Жамиятлари Федерациясининг (IFRC) Покистондаги делегацияси раҳбари Фарид Абдулқодир Айварнинг айтишича, сўнгги икки ой ичида мамлакатда содир бўлган сув тошқинлари оқибатида 884 киши ҳалок бўлган.

БМТнинг Женевадаги ваколатхонасида ўтказилган ҳафтанинг матбуот анжуманида сўзга чиққан Айвар Покистон июн ойи охиридан бери замонавий тарихдаги энг ёмон муссон фаслларидан бирини бошдан кечираётганини таъкидлади.

Унинг сўзларига кўра, кучли ёмғирлар мамлакатнинг деярли барча вилоятларида, жумладан Синд, Панжоб ва Балуҗистонда кенг кўламли сув тошқинлари, кўчкилар ва вайроналарга сабаб бўлган.
“5 сентябр ҳолатига кўра, 884 киши ҳалок бўлди, минглаб одамлар яраланди ва бир миллиондан ортиқ киши эвакуация қилинди”, — деди у.

Айварнинг айтишича, 9363 га яқин уй қисман ёки тўлиқ вайрон бўлган. Жабрланган ҳудудларда миллионлаб одамлар тоза сув, озиқ-овқат ва тиббий ёрдамдан маҳрум бўлишган.