Покистон терроризмга қарши уруш ҳолатида

Покистон Мудофаа вазири Хаважа Асиф Исломободдаги терактга жавобан мамлакатни терроризмга қарши уруш ҳолатида деб эълон қилди.

Асиф бу ҳақда ижтимоий тармоқ орқали маълум қилди.

"Биз уруш ҳолатидамиз. Покистон армияси Афғонистон-Покистон чегарасида ва Балужистоннинг чекка ҳудудларида бу урушни [террорчиларга қарши] олиб бормоқда деб ўйлаган ҳар бир киши Исломобод туман суди олдидаги бугунги худкушлик ҳужумини уйғотувчи қўнғироқ сифатида қабул қилиши керак. Бу бутун Покистон учун уруш бўлиб, Покистон армияси ҳар куни хавфсизликни таъминлаб беради ва халққа хавфсизликни таъминлайди", деб ёзади.

Мудофаа вазирининг таъкидлашича, ҳозирги вазиятда чегарадаги келишув бўйича “Қобул билан муваффақиятли музокараларга катта умид боғлашнинг ҳожати йўқ”.

Эслатиб ўтамиз, кеча тушдан кейин Исломободдаги суд биноси олдида содир этилган худкушлик ҳужумида камида 12 киши ҳалок бўлган ва 27 киши яраланган эди. Бир неча соат олдин қуролли гуруҳ Покистоннинг Афғонистон билан чегарадош Жанубий Вазаристон туманидаги Вана шаҳридаги ҳарбий услубдаги мактаб-интернатга бостириб кирган эди.

Покистондаги Толибон ҳаракати суд биносига уюштирилган ҳужум учун жавобгарликни ўз зиммасига олди.