Покистон президенти Зардорий зудлик билан касалхонасига ётқизилди

Покистон президенти Осиф Али Зардорийнинг аҳволи ёмонлашгани учун Карачидаги хусусий шифохонага етказилди.

Бу ҳақда Покистон ОАВлари хабар бермоқда.

Покистон Халқ партиясига кўра, айни дамда Зардорий даволанмоқда ва унинг аҳволини баҳолаш учун зарур тиббий текширувлар ўтказилмоқда. Касалхона атрофида хавфсизлик чоралари кучайтирилди: ҳуқуқ-тартибот идоралари муассаса ҳудудига рухсациз киришни чеклади.

Эслатиб ўтамиз, президент касалхонага ётқизилишидан бир кун олдин Навобшоҳдаги қароргоҳида Миллий мажлис спикери ўринбосари Ғулом Мустафо Шоҳ ҳамроҳлигида Рамазон ҳайити намозида қатнашган эди.

Ҳозирча унинг соғлиғи ҳақида расмий баёнотлар берилмаган.

Эслатиб ўтамиз, 2024 йилда БААга шахсий ташрифи чоғида Дубайда самолётдан чиқиб кетаётганда оёғи синган эди.