Покистон, Ҳиндистон томонидан бошқариладиган Кашмир ва Непалда кучли ёмғирлар сабаб тўсатдан юз берган сув тошқинлари катта фожеаларга олиб келди. Расмий маълумотларга кўра, ҳалок бўлганлар сони 400 дан ошди.
Покистоннинг шимоли-ғарбида жойлашган Хайбер-Пахтунхва вилоятида охирги 48 соат ичида камида 321 киши ҳалок бўлди. Вилоятнинг бир нечта қишлоқлари тўлиқ сув остида қолди.
Кашмирда эса ҳодиса оқибатида камида 60 киши вафот этди, 200 дан зиёд одам бедарак йўқолгани хабар қилинмоқда.
Непалда эса вазият янада оғирлашмоқда. Мамлакат ҳукумати маълумотларига кўра, тошқинларда 41 киши ҳалок бўлган, яна 121 киши турли тан жароҳатлари олган.
Гувоҳларнинг айтишича, бутун бошли қишлоқлар вайрон бўлиб, кўплаб одамлар лой ва сув оқимлари остида қолган.
Мутахассислар фикрича, глобал иқлим ўзгариши сабаб Ҳимолай минтақасида муссон мавсуми тобора хавфли тус олмоқда.
Ҳозирда қутқарув ишлари олиб борилмоқда. Бироқ сув босиб қолган йўллар, кўчкилар ва йўлларнинг йўқолиши сабабли жараён жуда қийин кечмоқда.
Машҳур актёр ўз квартирасидан ўлик ҳолда топилди
ФИФА Аргентина терма жамоасини 2026 йилги жаҳон чемпионатидан четлаштириши мумкин
Қаршида саунада фаолият юритган фоҳишахона аниқланди
