Россияда қурол-яроғ ишлаб чиқариш ҳажми Украинадаги урушни олиб бориш учун зарур бўлганидан анча юқори. Бу ҳақда Германия мудофаа вазири Борис Писториус Бундестагдаги нутқи чоғида маълум қилди.
Писториуснинг сўзларига кўра, Россиянинг қурол ишлаб чиқариш суръатлари Москва келажакдаги эҳтимолий можароларга тайёргарлик кўраётганидан далолат беради.
«Россия ҳар ой ишлаб чиқариши мумкин бўлган қисқа ва ўрта масофага мўлжалланган 150 та ракетанинг ўртача 80 тасигина Украинага жўнатилади», — деди Писториус.
Апрель ойида Писториус Германиянинг янги ҳарбий стратегиясини тақдим этган эди. Унда Россия мамлакат учун асосий таҳдид сифатида кўрсатилган.
Германия мудофаа вазири Бундесверни Европадаги энг кучли конвенционал армияга айлантиришга ваъда берган.
Дунё харитаси 500 йил ичида илк бор янгиланди
Японияда уйқу мусобақаси бўлиб ўтади, унда ғолиб катта пул мукофотига сазовор бўлади
💴 Адлия вазирлиги Ўзбекистондаги пенсия ва нафақалар миқдорини эслатди
