Кремль Марказий сайлов комиссияси натижаларни расман эълон қилмагунча Арманистондаги парламент сайловлари натижалари ҳақида изоҳ беришдан тийилишини маълум қилди.
Бу ҳақда Россия президенти матбуот котиби Дмитрий Песков журналистларга шундай деди.
У Россия томони келаётган маълумотларни диққат билан кузатиб бораётганини таъкидлади.
"Мен бу масала бўйича бирон бир расмий изоҳ беришдан тийиламан, чунки Арманистон Марказий сайлов комиссиясининг якуний натижалари эълон қилинмаган; биз бу натижаларни кутмоқдамиз", деди Песков.
Россия Ташқи ишлар вазирлиги вакили Мария Захарова ўз навбатида Москва Ереван билан келажакдаги муносабатларини Арманистон раҳбарияти томонидан қўйилган амалдаги қадамлар асосида шакллантириш ниятида эканлигини айтди. Шунингдек, у яқинда бўлиб ўтган сайловлар Арманистон жамиятининг ҳаддан ташқари қутбланишини яққол кўрсатганини таъкидлади.
Шуни таъкидлаш керакки, Арманистон Марказий сайлов комиссиясининг маълумотларига кўра, ҳукмрон Фуқаролик шартномаси партияси парламент сайловларида 49,825% овоз тўплаб ғалаба қозонди. Бу натижа унга янги ҳукумат тузиш имконини беради.
Тимми исмли кит биоёқилғига айланади
АҚШда ҳам тўй қилаётганлар ақлдан озмоқда
Жалолиддин Машарипов терма жамоа қайдномасидан чиқарилмоқда
