New York Times ва Reuters нашрлари ўз манбаларига таяниб хабар беришича, Пентагон АҚШ армиясининг 82-ҳаво-десант дивизиясидан тахминан 2 минг нафар аскарни Яқин Шарққа жўнатиш буйруғини берган. Бу қарор президент Доналд Трампга Эрон билан боғлиқ уруш доирасида қўшимча ҳаракат вариантларини тақдим этиш мақсадида қабул қилинган.
Бу маълумотлар Трампнинг «АҚШ ҳозирнинг ўзида Теҳрон билан урушни тўхтатиш бўйича музокаралар олиб бораётгани» ва Эрон «келишувга жуда қизиқаётгани» ҳақидаги баёнотлари ортидан пайдо бўлди. Трамп музокаралар тафсилотларини очиқламаган, бироқ оммавий ахборот воситалари Вашингтон Теҳронга 15 банддан иборат урушни тўхтатиш режасини тақдим этганини ёзмоқда.
Шу билан бирга, Оқ уй матбуот котиби Ливиттга кўра, икки мамлакат ўртасида дипломатик мулоқот имкониятлари пайдо бўлганига қарамай, АҚШнинг Эронга қарши ҳарбий амалиёти давом этмоқда.
«Президент Трамп ва унинг музокарачилари дипломатик алоқалар учун янги имкониятни ўрганаётган бўлса-да, “Эпик ғазаб” операцияси олий бош қўмондон ва Пентагон белгилаб берган ҳарбий мақсадларга эришиш учун давом этмоқда», — деди у.
Аввалроқ CNN телеканали АҚШ Қуролли кучлари Марказий қўмондонлигидаги манбаларига таяниб, Эронга қарши амалиёт давомида қарийб 290 нафар америкалик ҳарбий жабрланганини, улардан 255 нафари яна хизматга қайтганини хабар қилганди.
Эрон Ислом инқилоби қўриқчилари корпуси эса, уруш давомида ҳалок бўлган ва жароҳатланган америкалик ҳамда исроиллик ҳарбийлар сони 680 нафардан ошганини маълум қилди.
Ҳусановнинг финалдаги ўйини қандай баҳоланди?
Эрон Трампнинг Ҳормуз бўғозини очиш ҳақидаги ультиматумига жавоб берди
АҚШ Эроннинг нефтдан тахминан 14 миллиард доллар даромад олишига имкон берди
