Пентагон: "Бюджет етишмаслиги АҚШга коинотда устунликни таъминлашга халақит беради"

Молиянинг етишмаслиги ва эскирган ёндашув Қўшма Штатларга коинотда ҳарбий устунликни таъминлашга тўсқинлик қилади.

Бундай позицияни АҚШ Коинот кучлари қўмондони генерал Ченс Салтцмен Конгресс ҳузуридаги мустақил комиссиядаги тингловда айтиб ўтди.

"Биринчидан, бизнинг бюджетимиз коинотда устунликка эришиш учун барча зарур имкониятларни яратиш учун етарли эмас", деди Ченс Салтцмен ва Хитойнинг ортиб бораётган космик салоҳияти нуқтаи назаридан АҚШ олдида бундай улкан вазифа турганини тушунтирди.

Унинг баҳолашига кўра, Қўшма Штатлар нафақат коинотга қарши мудофаа воситаларини бостириш, балки "душманнинг космик қобилиятидан маҳрум қилиш, камайтириш ва йўқ қилиш" қобилиятини ошириши керак.

"Бугунги кунга келиб, бизда жанговар операцияларни ўз шартларимиз бўйича ўтказиш учун керак бўлган ҳамма нарса йўқ ва биз бошқа миссияларни бузмасдан мавжуд ресурсларни қайта тақсимлай олмаймиз", деб тан олди АҚШ Космик кучлари қўмондони. У, шунингдек, Қўшма Штатлар ҳалигача коинотга “жанг майдони сифатида эмас, балки стратегик ресурс” сифатида қарашини таъкидлади.

"Натижада, биз "космосни ҳарбийлаштириш" ҳақида нотўғри тасаввур пайдо бўлишидан қўрқиб, керакли чораларни кўришдан ўзимизни тияяпмиз. Аслида коинот камида йигирма йил олдин ҳарбийлаштирилган ва бу ҳақиқатни ўз вақтида англай олмаганимиз тараққиётимизга жиддий тўсқинлик қилди", - дея хулоса қилди у.