Пекин Путинни “ўз ўрнига қўяиши” ва Россиянинг Украинага қарши урушини тугатиши мумкин – Полша

Пекин Путинни “ўз ўрнига қўяиши” ва Россиянинг Украинага қарши урушини тугатиши мумкин. Бу ҳақда Польша Ташқи ишлар вазири сўз очди.

"Россия Хитой Халқ Республикасининг “иқтисодий вассали” бўлгани сабаб Пекин Москвани савдо эмбаргоси билан қўрқитиши мумкин эди, аммо, ҳозирча бундай ҳаракатлар кўрингани йўқ", — деди Полша ТИВ раҳбари Радослав Сикорский Германиянинг Tagesspiegel нашрига берган интервюсида.

Сикорскийнинг фикрича, Путин бутун Украинани ўз назоратига олишга жиддий бел боғлаган, шунинг учун ҳам вақтни чўзмоқда.

"Путин ҳали ҳам ғалаба қозониши мумкинлигига ишонмоқда. Бироқ, аслида вазият танг ҳолатга келган. Қуруқликда Россия фақат жуда ҳам оз илгарилашга эришмоқда ва ўн минглаб аскарларини йўқотмоқда. Қора денгизда эса Украина ғалаба қозонди", — дея фикр билдирди Сикорский.

Полша ташқи ишлар вазири жаҳон ҳамжамиятини "Россия мазкур босқин хато бўлганини ва ўз мақсадларига эриша олмаслигини англамагунича Украинани қўллаб-қувватлашни давом эттириш"га чақирди.