“Пахтакор” Муҳаммадали Ўринбоевнинг Бельгия клубига трансферидан салкам 1 миллион евро оладиган бўлди

“Пахтакор” ҳамда Ўзбекистон U-20 терма жамоаси ярим ҳимоячиси Муҳаммадали Ўринбоев фаолиятини кеча Бельгиянинг “Антверпен” клуби билан 4 йиллик шартнома имзолади.

Бельгияликлар 20 ёшли футболчи учун 750 минг евро тўлайдиган бўлишди. Аммо клублар ўртасидаги келишувга кўра, Ўринбоевнинг кейинги трансферидан "Пахтакор" улуш олади.

"Антверпен" эса футболчиларни экспорт қилиш бўйича Европада жуда яхши ишлайди. Хусусан, сўнгги 2 йилда клуб 13 футболчини бошқа клубга сотган ва бу трансферларнинг умумий суммаси 100 миллион еврони ташкил қилган.