Telegram асосчиси ўзининг туғилган кунида интернет эркинлигига бағишланган пост эълон қилди. Унинг фикрича, бир пайтлар ахборот алмашиш эркинлиги рамзи бўлган интернет энди назоратнинг асосий қуролига айланмоқда.
"Бизнинг авлодимизда оталаримиз биз учун яратган эркин интернетни сақлаб қолиш учун тобора камроқ вақт қолмоқда", — деди мессенжер раҳбари.
Дуров “илгари эркин бўлган” Германия, Буюк Британия ва Франция каби давлатлар ҳозирда “антиутопик чоралар”ни жорий этаётганини қайд этди. Бироқ у Россия ҳақида эса ҳеч нарса демади.
"Бизнинг авлод тарихга ўз эркинликларига эга бўлган, лекин уларни тортиб олишга йўл қўйган сўнгги авлод сифатида кириб қолиш хавфи остида. Шунинг учун мен бугун байрам қилмоқчи эмасман. Менинг вақтим тугаяпти. Бизнинг вақтимиз тугаяпти",
— дея қўшимча қилди Дуров.
Telegram асосчиси Павел Дуров ҳозирда Францияда тергов остида. Мамлакат ҳукумати уни ваколатли органлар сўровларига жавоб бермаганликда ва хакерлик дастурларини тарқатишда иштирок этишда айбламоқда.
«Жаҳаннам Нажоти» Туркияда қўлга олинди
Бу Европа эмас, Теҳрон кўчалари: эронлик аёллар кўчага мажбурий ҳижобсиз чиқишмоқда (видео)
Йирик астероид Ой билан тўқнашди (видео)
