Россиянинг Европада давом этаётган диверсия ҳаракатлари, жумладан разведка маълумотларини тўплаши мумкин бўлган дронлардан фойдаланиш ҳолатлари, Кремл аллақачон “NATO ва Россия ўртасидаги эҳтимолий урушга тайёргарлик кампаниясининг ахборот-психологик босқичини” бошлаганини кўрсатади. Бу ҳақда Америка Урушни ўрганиш институти (ISW) ўзининг навбатдаги таҳлилий ҳисоботида маълум қилди.
Таҳлилда қайд этилишича, Россиянинг узоқ масофали зарба берувчи қуроллар ва дронлар ишлаб чиқариш соҳасидаги имкониятлари NATO учун “бевосита таҳдид” ҳисобланади. Шу билан бирга Москва армияси сафларини тўлдириш ва мустаҳкамлаш ишларини давом эттирмоқда. Бу эса Украина уруши тугаганидан кейин Россия NATO'нинг шарқий қанотига тезкор тарзда қўшин жўнатишга тайёр бўлиши мумкинлигини англатади.
"Россия мудофаа саноати Т-90 танкларини ишлаб чиқаришни кўпайтириш ва танк паркини урушгача бўлган даражага қайтариш бўйича узоқ муддатли режаларни амалга оширмоқда. Бу Россиянинг NATO учун узоқ муддатли ҳарбий таҳдид сифатида ўз позициясини сақлаб қолиш ниятидан далолат беради", — дея таъкидлайди ISW таҳлилчилари.
"Бундан ташқари, Россия “катта миқёсдаги ҳарбий амалиётларни кўп сонли танк ва зирҳли техникасиз олиб бориш имконини берувчи операцион концепциялар ва жанговар тактикаларнинг янги шаклларини ишлаб чиқмоқда", дейилади ISW ҳисоботида.
«Жаҳаннам Нажоти» Туркияда қўлга олинди
Бу Европа эмас, Теҳрон кўчалари: эронлик аёллар кўчага мажбурий ҳижобсиз чиқишмоқда (видео)
Йирик астероид Ой билан тўқнашди (видео)
