Даниянинг Копенгаген университети олимлари Паркинсон касаллиги билан оғриган беморларда мия фаолиятига оид янги маълумотларни тақдим этди.
Тадқиқот ушбу касалликнинг ривожланиш сабабларини тушунишга имкон берди.
Олимлар касаллик митохондрияларнинг, мия ҳужайраларида энергия ишлаб чиқарувчиларнинг, айниқса нейронларнинг зарарланиши билан боғлиқлигини аниқлашди. Зарарланиш митохондриял ДНКнинг бузилишига олиб келади, бу “касалликни бош мия бўйлаб ёнғин каби тарқатади”.
Паркинсон касаллиги сурункали касаллик бўлиб, марказий асаб тизимига таъсир қилади. У оёқда ҳаракатланишнинг қийинлашиши, титроқ, когнитив функциянинг пасайиши ва кейинги босқичларда деменциянинг юзага келиши каби аломатлар орқали намоён бўлади.
Дунё бўйлаб 10 миллиондан ортиқ одам ушбу касалликдан азият чекмоқда. Унинг давоси йўқ деб ҳисобланади, мавжуд даволаш усуллари фақат унинг аломатларини вақтинча енгиллаштириши мумкин.
Янги илмий иш муаллифлари сичқонлар ва одамларнинг миясини таҳлил қилишди. Улар мия ҳужайраларида вирусларга қарши генларда нуқсонлар мавжуд бўлганда митохондрия зарарланишини ва бу ҳолат тарқалиш хусусиятига эга эканини аниқлашди.
Олимлар келгусида қандай усуллар билан митохондриял функцияни тиклаш мумкинлигини аниқлаш ниятида, деб хабар беради mir24.tv.
