Парижда полиция АҚШ божхона тўловлари ва давлат секторининг қисқартирилишига норозилик билдирган талабаларга қарши кўздан ёш оқизувчи газ ва таёқлардан фойдаланди.
Парижда ўқитувчилар ва талабалар тўққизта таълим сектори касаба уюшмаси чақирган митингга чиқишди. Агентлик мухбирининг воқеа жойидан маълум қилишича, намойишчилар баррикадалар ўрнатган, ахлат қутиларига ўт қўйган, дўкон ойналари ва банкоматларни синдиришга уринган. Акция бошланганидан кўп ўтмай, полиция билан тўқнашувлар юз берди. Иштирокчилар петарда ва тутун шашкаларини ёқишди, шунингдек, ҳуқуқ-тартибот идоралари ходимларига петардалар отишди, бу эса полицияни таёқ ва кўздан ёш оқизувчи газ ишлатишга мажбур қилди. Акция давомида иштирокчилар АҚШ президенти Дональд Трамп сиёсати ва улар томонидан жорий этилган божхона тўловларига қарши шиорлар айтиб, Америка байроғини ҳам ёқиб юборишган.
Қайд этилишича, норозиликлар давлат хизматчиларининг харид қобилиятининг пасайишига қарши қаратилган. Касаба уюшмалари 2025 йилни "давлат сектори учун қора йил" деб атади ва ҳукуматнинг пенсия ёшини кўтариш, иш ҳақини индексация қилмаслик, таътил тўловларини қисқартириш ва давлат хизматлари бюджетини қисқартириш "ижтимоий адолацизлик" билан ишчиларни қаттиқроқ ишлашга мажбурлаш ниятига ишора қилди. Айниқса, таълим соҳаси ходимлари бошланғич ва ўрта мактабларда 250 га яқин педагогик ходимлар қисқариши, 223 та ўқув хонасининг ёпилишига олиб келганини танқид қилди. Шунингдек, улар пенсия ислоҳотини бекор қилишни ва 100% ҳақ тўланадиган таътилни талаб қилишмоқда. Бундан ташқари, касаба уюшмалари мудофаа харажатлари ошган бир пайтда давлат харажатлари ва ижтимоий таъминот учун 9,1 миллиард евро ажратилиши бекор қилинганини танқид қилди.
Чўнтакка зарба: Гўшт нархи “учиб кетди” – Ўзбекистонда март ойида 9,1% ошди!
🔴 БАА судидан шов-шувли қарор: ўзбекистонликлар ўлимга ҳукм қилинди!
Қувайт энди Эронга ошкора ваъда берди
