"Озод Фаластин" : Бангладешда Исроилнинг Ғазога қарши урушига қарши 100 минг киши намойиш ўтказди

Ўн минглаб намойишчилар Бангладеш пойтахтида Исроилнинг Ғазо секторидаги ҳаракатларини қоралаш учун тўпланди.

Тахминан 100 минг кишидан иборат намойишчилар Дакка университети ҳудудидаги Суҳраварди боғида йиғилди. Улар Фаластин байроқларини кўтариб, "Озод Фаластин" каби шиорларни айтишди.

Кўпчилик АҚШ президенти Доналд Трамп, Исроил бош вазири Бинямин Нетаняху ва Ҳиндистон бош вазири Нарендра Модининг тасвирларини Исроилни қўллаб-қувватлашда айблаган ҳолда уриб ташлади. Намойиш давомида тинч аҳоли қурбонларини ифодаловчи рамзий тобутлар ва ҳайкаллар олиб юрилди.

Собиқ бош вазир Холида Зиё бошчилигидаги Бангладеш миллатчилик партияси, шунингдек, диний гуруҳлар ва партиялар ўз бирдамлигини билдирди.

170 миллион аҳолисининг аксарияти мусулмонлардан иборат бўлган Бангладеш Исроил билан ҳеч қандай дипломатик алоқаларга эга эмас ва расман мустақил Фаластин давлатини қўллаб-қувватлайди.